partekatu
Rafaela Romero
Gipuzkoako diputatua Kongresuan
1972an Quintana de la Serenan (Badajoz) jaioa, Zuzenbidean lizentziatua eta Administrazio Zuzenbidean, Enpresa Zuzenbidean eta Zuzenbide Zibilean espezializatutako abokatua da. Gaur egun, Gipuzkoako diputatua da Diputatuen Kongresuan. 2019 eta 2023 bitartean, Gipuzkoako Mugikortasuneko eta Lurralde Antolaketako foru diputatua izan da. Eusko Legebiltzarreko kidea izan zen 2016 eta 2019 artean, eta Gipuzkoako Batzar Nagusietako kidea 2003 eta 2015 artean. 2007ko ekainean Gipuzkoako Batzar Nagusietako lehendakari izendatu zuten, eta 2011ko ekainera arte bete zuen kargu hori. Era berean, zinegotzi izan da Arrasateko (1995-1998) eta Pasaiako (2003-2007) udaletan.
