partekatu
Bergarako PSE-EEk elkartasun mezua bidali die uholdeek kaltetutakoei
Bergarako PSE-EEk eta udal talde sozialistak elkartasuna adierazi diete herrian izandako uholdeek kaltetutakoei. Gainera, kalteak berreraikitzeko konpromisoa eskatu diote udal gobernuari, kaltetutako familiek euren egunerokotasuna eta normaltasuna lehenbailehen berreskura dezaten. Are gehiago, egoera horrek familiei kalte ekonomikorik eragin ez diezaien eskatu dute.
Ohar baten bidez, PSE-EEko idazkari nagusi Juan Chupsek eta PSE-EEko bozeramaile Alberto Alonsok ere publikoki eskerrak eman dizkiete, egindako lanagatik, larrialdietako zerbitzuei eta egoera horrek eragindako gorabeherei erantzuteko "buru-belarri" lan egin duten langile guztiei.