partekatu
Amasa-Villabonako PSE-EEk familiak babesteko eta gizarte larrialdietarako laguntzak handitzeko ekimenak aurkeztu ditu aurrekontu proiektura
Udal Talde Sozialistak salatu du, aurten ere, EH Bilduk beharrezkoak ez diren partidak bultzatzen dituela, lehentasunezkoagoak diren beste batzuen kaltetan
Amasa-Villabonako PSE-EEk adierazi duenez, aurten ere, EH Bilduk beharrezkoak ez diren partidak bultzatzen dituela, lehentasun handiagoko beste batzuen kaltetan.
Eduardo Gonzalez Vaz bozeramaile sozialistak "ulertezintzat" jo du EH Bilduk kanpoko erakundeen aldeko partidak aurkeztea, hala nola Udalbiltza, Uema, Nafarroa Oinez eta Herri Urrats, udalerriarentzat askoz premiazkoagoak diren beste batzuen kaltetan, eragin sozial handiagoa izan dezaketen eta udalerriko bizilagunei zuzenean eragiten dietenak.
Hori dela eta, Udal Talde Sozialistak 21.000 euro inguruko proposamenak aurkeztu ditu ikasle guztientzako material edo jarduera gastuak konpentsatuko dituen dirulaguntza lerro bat ezartzeko, Arratzain bidearen segurtasuna hobetzeko, zaborren tasaren igoeraren aurrean familiak babesteko laguntzak indartzeko eta dagoen ziurgabetasun ekonomikoaren aurrean gizarte larrialdietarako laguntzak indartzeko.
"Ekimen horien bidez, sozialistekok Amasa-Villabonako bizilagunentzako hainbat zerbitzu indartu eta hobetu nahi ditugu. Aukerak sortu eta herritarrak babestu nahi ditugu inor atzean gera ez dadin ", adierazi du Gonzalez Vazek.
Gainera, PSE-EEk konpromiso politikoa eskatzen dio gobernuari, Fleming Herri Eskola publikoari modu aktiboagoan laguntzeko. "Aitzakia juridikoez haratago, gure eskola publikoari babes irmoagoa emateko legezko formak bilatzeko eskatzen diogu gobernu taldeari", azaldu du bozeramaile sozialistak.
