partekatu
Azkoitiko PSE-EEk gogor gaitzetsi ditu egunotan herrian izandako gertaerak
Udal Talde Sozialistak gogorarazi du kaltetutako materialaren kostua herritarrek jasaten dutela
Azkoitiko PSE-EEk gogor gaitzetsi ditu herrian izandako gertaerak, hain zuzen ere azken egunetan 13 edukiontzi erre izana, eta horrek kezka sortu du herritarren artean.
Joan den asteburuan, igandetik astelehenerako goizaldean, lau edukiontzi erre ziren Plazaberrin eta beste bost Balda Plazan. Gaur goizaldean, beste ekintza bandaliko bat izan da eta lau edukiontzi erre dituzte Guardia Kalean.
Janire Igoa bozeramaile sozialistak azaldu duenez, "eragindako kalteek ez diete soilik herri-altzariei eragiten, horiek berrezartzea udal-aurrekontuek hartzen dutelako beren gain, hau da, herritarrengandik datozen baliabideetatik. Beraz, ekintza horietako bakoitzak karga bat du bizilagunentzat; izan ere, zerbitzuak hobetzeko inbertitu beharrean, kalteak ordaintzeko erabili behar dira.
Gainera, azken egunotan lapurreta batzuk izan dira Azpeitiko dendetan. Horregatik, Alderdi Sozialistak presentzia polizial handiagoa eskatzen du. "Udalek segurtasuna indartu behar dute horrelako ekintzak desagerrarazteko eta gertatzen jarraitzea saihesteko", amaitu du Igoak.
