Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Urtarrila 2023

AL AR AZ OG OR LR IG
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Itxi
PSE GIPUZKOA

PSE-EE PSOE Socialistas Vascos

Berriak

partekatu  partekatu

Sail sozialistek lideratu duten erakundearteko ekintza kordinatuak Santa Teresa Auzoaren bigaitze integrala erraztuko du, adierazu du Aritz Murua Arrasateko PSE-EEren bozeramaileak

1. argazkia
El portavoz de Arrasate, Aritz Murua, con el viceconsejero de Planificación Territorial y Agenda Urbana del Gobierno Vasco, Miguel de los Toyos y la alcaldesa pedánea, Matilde Martín

Aritz Murua udal-talde sozialistaren bozeramailearen ustez, Santa Teresaren birgaitze integralak “nabarmen” hobetuko du auzoko eta auzokideen bizitza. PSE-EEko Iñaki Arriola sailburuak kudeatzen duen Lurralde Plangintza eta Etxebizitza Sailaren 7,3 milioi eurorekin finantzatuko den eta Udalaren 4,5 milioitik gorako inbertsioa izango duen proiektu publiko-pribatua urte askoan inolako obrarik, ezta birgaitze-lanik ere, egin ez den auzoan gauzatuko da, “aukeraz betetako” auzoa baita.

Santa Teresarako birgaitze integralerako proiektu osoa Victor Fuentes zinegotzi sozialista buru duen Obra eta Zerbitzuak sailak eta Matilde Martín auzo-alkate sozialistak gidatuko dute. Guztira 4,5 milioi euro dira, horietatik 2,5 milioi Musakolako eta Doneztebeko bi igogailu eraikitzeko izango dira, eta horri esker bizilagunek inolako arazorik gabe salbatu ahal izango dute bi leku horietan dagoen desnibela. Horrez gainera, 2 milioi euroko urbanizazio-proiektu publiko bat ere aurreikusita dago. Bai Fuentes bai Martín ekainetik ari dira proiektu horretan lanean, prozesu parte-hartzaile baten bitartez, auzoko bizilagunekin, euren eskaerak eta premiak zein diren jakiteko. 

Komunikatu batean adierazi du datozen egunotan PSE-EEk liburuxka bat sartuko duela Santa Teresako eta Doneztebeko ia 400 etxetako postontzietan proiektuari buruzko informazioa emateko, eta zein lekutan jardungo den azaltzeko argazkiak ere izango ditu. Eraikinen inguratzaileak hobetzea, igogailuak instalatzea, berokuntza-sistemak modernizatzea eta energia-komunitateak sortzea izango dira proiektu horretako jarduketetako batzuk, eta obrak 2023ko bigarren seihilekoan lizitatuko dira lanak 2024an hasi ahal izateko.

Muruak adierazi du “ilusio handia” duela proiektuarekin, eta “iraultzailea” dela esan du; izan ere, birgaitze integralarekin batera 309.396 euro izango dituen enplegu-plan espezifiko bat dago. Diru hori Idoia Mendia buru duen Eusko Jaurlaritzako Lan eta Enplegu Sailak, hain zuzen Gizarteratzearen arlotik, jarriko du, eta horrekin DBE jasotzen duten iraupen luzeko hamar langabetu kontratatuko dira urtebetean birgaitze-obran igeltsero-lanetan aritzeko.

Bestalde, azaldu du Santa Teresako eta San Estebango 96 etxebizitzatan ere jardungo dela. Eraikinak zaharberritzeko laguntzak izango dira, eta kostuen % 70etik % 100era artekoak izango dira, eraikin bakoitzeko gehienez 50.000 eurora arte, familien gizarte-kalteberatasun egoeraren arabera. Santa Teresako alkatetzan informazioa eta aholkua emateko instalatuko den bulegoan bideratuko dira izapideak, eta bizilagunek ere bertan egin ahal izango dituzte kontsultak.

Azkenik, Muruaren ustez, erakunde guztien ekintza koordinatu erabakigarria dago abian auzoan, sail sozialistek lideratuta, eta, horren ondorioz, “nabarmen hobetuko” da Santa Teresako bizilagunen bizi-kalitatea. Gainera, PSE-EEk Arrasaterekin eta auzoarekin hartuta duen konpromisoa ere nabarmendu du, eta zehaztu diren inbertsioekin agerian geratu dela adierazi du, auzoa une honetan duen kalteberatasun-egoeratik ateratzeko lehenengo urratsa baitira.