partekatu
José Ignacio Asensio: "Berdintasuna eta askatasuna izan behar dira gure gida garai berri bati aurre egiteko, Gipuzkoarekin eta gipuzkoarrekin dugun konpromisoa berretsiz"
Gipuzkoako PSE-EEko idazkari nagusiak ziurtatu duenez, teknokastak eta bere autoritarismoak "gezurren eta desinformazioaren bidez deabrutzen gaituzte. Horregatik da hain garrantzitsua Alderdi Sozialistak oraina gidatzen jarraitzea, hemen eta orain"
Gipuzkoako PSE-EEk X. Kongresua egin du gaur goizean Donostian, eta bertan José Ignacio Asensio idazkari nagusiak adierazi duenez, "gure alderdiaren historian garai berri bat hastear gaude, Gipuzkoarekin eta gipuzkoarrekin dugun konpromisoa berretsiz". Eta sozialisten zigilua Gipuzkoako txoko guztietan dagoela gaineratu du.
Kongresuan, "Gipuzkoa, aquí y ahora. Hemen eta orain" lelopean ospatu dena, 150 ordezkari inguruk hartu dute parte, eta Zuzendaritza berria aukeratu dute, %98,5 xren babesarekin.
Asensiok Kongresuari amaiera eman dio esanez hemendik aurrera aro berri bat irekiko dela eta inoiz baino garrantzitsuagoa dela politika letra larriz egitea, demokraziaren defentsa.
"Politika onak ezetz esaten die politika klimatikoen eta berdintasunaren ukazioei; Alderdi Popularra VOXen ultraeskuinak ezarritako ildoari jarraituz, ez ikusiarena egiten ari da. Izan ere, azaldu duenez, "denak ez du balio, eta are gutxiago nahi dugun Gipuzkoarentzat, Euskadirentzat eta Europarentzat hain erabakigarriak diren une hauetan".
Ildo horretan, "politika aurrerakoiak eta sozialistok bultzatu dugun babes soziala" finkatzearen alde agertu da, hala nola, lan-erreforma, Lanbide arteko gutxieneko soldataren igoera, Lanbideren bidezko enplegu-politikak, Sarrerak Bermatzeko diru laguntzen erreforma edo pentsioen balioa handitzea. "Eta beste asko klase ertain eta langilearen eskubideak bermatzen dituztenak. Une honetan, teknokastak eta bere autoritarismoak etengabe deabrutzen gaituzte, buloen eta desinformazioaren bidez. Horregatik, garrantzitsua da Alderdi Sozialistak oraina gidatzen jarraitzea, hemen eta orain ".
Bere hitzaldian, Asensiok ziurtatu du Gipuzkoako PSE-EEk "gure balioak, gure nortasun ezaugarriak" defendatzen jarraituko duela: "ezkerrera begiratzen duen alderdia, aurrerakoia, justiziaren, berdintasunaren eta askatasunaren alde egiten duena. Izan ere, alderdi munizipalista gara, inor atzean utzi gabe jendeari benetan laguntzen dion alderdia, benetako ezkerra gara, ezker erabilgarria".
Gipuzkoako sozialisten idazkari nagusiak gogorarazi du Alderdi Sozialista izan dela "erreforma fiskalaren bultzatzailea", eta erreforma horrek, "gizartearen gehiengoak nahi duen bezala, kalitatezko zerbitzu publikoak, zerbitzu duinak, berdintasun-politikak, etxebizitza eskuragarria edo ingurumenaren babesa bermatuko ditu". "EAJri argi utzi diogu erreforma fiskala ezkerrekoa izango zela, sozialisten zigiluarekin. EH Bilduk ordea bere interes alderdikoiak baino ez ditu bilatu. Ez dira maila berean egon. Ongizate-estatua hobetzeari "ezetz" esan diote. Oso gaizki atera zaie estrategia, bakarrik geratu dira PPrekin".
Asensiok bere hitzaldia aprobetxatu du gogorarazteko "gaur inoiz baino beharrezkoagoak garela eta inoiz baino batuago eta indartsuago gaudela". Horregatik, gorrotoaren diskurtsoen aurka borrokatu behar da, gizartea zatitu eta aurrez aurre jarri eta memoria indargabetu nahi baitute.
Ildo horretan, gaineratu du sozialistek manipulaziorik gabeko memoria defendatzen dutela, egiarekin konprometitua dagoena: "Zein desberdina den memoria sozialistok defendatzen dugunean edo nazionalistek defendatzen dutenean. Guri inork ez digu leziorik emango". Gogoratu duenez, ez da ahaztu behar "batzuek beste alde batera begiratzen zuten bitartean gure alderdikideak hil egin zituztela. Oraindik ETAk eragindako min bidegabea aitortzeko zain gaude, horregatik da hain garrantzitsua memoria".
Horregatik da garrantzitsua "Gipuzkoako PSE-EEk etorkizunarekin duen konpromisoa berritzea, herritarren zerbitzura dauden erronka berriei aurre eginez", amaitu du.
