PSE-EE PSOE Socialistas Vascos

Ricardo Crespo udal talde sozialistaren bozeramailea oso kritikoa izan da EhBilduko udal gobernuen kudeaketarekin, oraindik pandemiak, Ukrainako gerraren ondorio ekonomikoek eta gure bizilagunen behar ugariek markatutako urte honetan Udalak azken urteotan 8,3 milioi euroko altxortegiko gerakina sortu izana ez baita ulergarria. Horiei kontingentzietarako gordetako beste 5,6 milioi gehitu beharko litzaizkieke. Guztira, ia 14 milioi euro erabili gabe. Crespok azaldu duenez, geldi dagoen diru-poltsa bat dago, gastatu gabe dagoena, koalizio soberanistak agindutako inbertsioak bete ez dituelako.

Aurreikusitako inbertsioen egikaritze-maila hain baxua izanik, 2020an %25,5ekoa eta %20,8koa 2021ean, talde sozialistak ez du ulertzen aurkeztu diren 8,3 milioi gerakinetatik 6,3 milioi inbertsioetarako izatea. 2024an exekuzio-maila ikusita, % 25 gauzatuko zen, hau da, 1,5 milioi euro.

Sozialistentzat gerakina ustekabeko, premiazko edo beharrezko proiektu handietan inbertitzeko balio beharko luke, baldin eta, arrazoiren batengatik, bidean geratu badira. Hala ere, gobernu-taldearen proposamenean sartu dira 2023ko aurrekontuetan jaso daitezkeen proiektu batzuk, hala nola turismo-partidak (32.000€), rokodromoa (20.000€), tenis-pista (14.500 €), Fagollagako aparkalekua (50.000€), landa-lurren erosketa (300.000€), bizikleta-garbitzeko leku bat (10.000€) edo HHZko zerbitzurako pantaila digitala (17.000€). Bozeramaile sozialistaren arabera beste premia batzuk ere badaude, eta baliteke hilabete batzuk itxarotea partida horiek aurrekontu arruntetan sartzeko.

Gobernu-taldeak proposatzen duen beste talde bat diru-kopuru handiak dituzten partidei dagozkienak dira eta burutzeko denbora luzea beharko dutenak. Adibidez 2 milioi euro Zubipe eta Landareko uholdeen ondorioak arintzeko, baina jakin gabe zehazki zertarako erabiliko diren beste erakunde batzuen erabakiaren mende gaudelako. Edota plaka fotovoltaikoak instalatzeko konprometituta geratzen diren 500.000 euroak, milioi bat euro osorik egikaritzea orain ezinezkoa dela onartu delako.

Nahiz eta kritikoak izan eta EhBilduren kudeaketa ekonomikoa zalantzan jarri, udal talde sozialistak, erantzukizun politikoz jokatuz, bederatzi proposamen egin ditu Udalaren gerakinaren zati batekin finantzatuak izateko, eta 1.026.000 euroko kostua dute guztira. Hiru dira proiektu garrantzitsuenak: alde batetik, Elorrabin ibilgailuentzako eta oinezkoentzako zubi berri bat jartzea eta egungo zubia aprobetxatzea Osinagara mugituta, 750.000 euroko partida batekin. Bestalde, bi lokal berritzeko 126.000 euro eskatu ditu: 70.000 euro Zikuñaga Auzo Elkartearen egoitza eraberritzeko eta 56.000 euro Goiz Eguzkin dagoen Zaharren Etxea eraikitzeko. Gainera, kanpo-kontratazioa eskatzen du, 75.000 euroko kostuarekin, hirigintza sailari laguntzeko, zeinak frogatuta geratu baita lan-karga handia duela; 35.000 euro poltsa konpostagarrien makina bat erosteko; 20.000 euro latak birziklatzeko makina baterako; 10.000 euro autoentzako kargagailu elektriko baterako eta 10.000 euro Loire biderako, Hernaniko gune hori puntu beltzen mapatik ateratzeko, aluminioa instalatuta.

Crespok ziurtatu du Hernaniko Udalak ahalmen ekonomikoa duela, baina kudeaketa ekonomikoa "baldarra eta inprobisatua" izaten ari dela eta, beraz, EhBildu ez dela behar bezala ari. Gogoratu duenez, martxoko osoko bilkuran aurrekontuetatik bi partida kendu zituzten: 150.000 euroko barredora kale-garbiketa makina erosteko partida eta 50.000 euroko udaletxeko estalkiaren proiekturako partida. Bi hilabete geroago, berriz ere sartu dira soberakinaren konturako partidak. "Zalantzarik gabe, kale-garbigailu bat erosteak kaleen garbitasuna indartuko du, eta hori ezinbestekoa da kaleok egoera ezin hobean mantentzeko, espazio publikoetako garbiketak okerrera egiten baitu", esan du, udaletxeko estalkian panel fotovoltaikoak jarri behar direla gogorarazi ondoren, energia berriztagarrien bidez autohornitu ahal izateko eta, gainera, argiaren gastuan aurrezteko.