partekatu
Gipuzkoako PSE-EEko idazkari nagusi José Ignacio Asensio, Eibarko alkate eta idazkari nagusi den Jon Iraolarekin bildu da Eibarren, udalerriko proiektu estrategikoak ezagutzeko eta herritarrekiko konpromisoa indartzeko
José Ignacio Asensio: "Ez dago modu hoberik udalerri batek behar duena ulertzeko, bizilagunei zuzenean entzunez eta erakunde guztietatik modu koordinatuan lan egitea baino"
Gipuzkoako PSE-EEko idazkari nagusia, Jasangarritasun diputatua eta lehen diputatu nagusiorde Jose Ignacio Asensio, Eibarko PSE-EEko alkate eta idazkari nagusiarekin, eta talde sozialistako beste kide batzuekin bildu da, udalerrian garatzen ari diren proiektu estrategikoak eta herritarren behar eta eskaera nagusiak zuzenean ezagutzeko.
Bileran, gainera, Gipuzkoako PSE-EEko idazkariorde nagusia eta Mugikortasuneko, Turismoko eta Lurralde Antolaketako diputatu Azahara Domínguez, eta Kultura eta Kiroletako idazkaria, eta, Kultura, Lankidetza, Gazteria eta Kiroletako diputatu Goizane Álvarezek parte hartu dute. Eibarko Elkarte Sozialistaren izenean, Luis Vicente Castellók, Antolakuntza idazkari eta Hirigintza eta Ogasun zinegotziak, eta Vanesa Hortas eta Andoni Ameztoy, Garapen Ekonomikoko eta Enplegu eta Kirol zinegotziek ere parte hartu dute.
Bisita hau Gipuzkoako sozialistek herritarrengandik gertu dagoen politika bultzatzeko eta erakunde ezberdinen arteko lankidetza indartzeko hartutako konpromisoaren parte da.
"Bizilagunekin dugun konpromisoa indartu nahi dugu, eta ekintzekin egin nahi dugu. Ez dago modu hoberik udalerri batek behar duena ulertzeko, herritarrei zuzenean entzunez baino. Eibar urrats garrantzitsuak ematen ari da hiri modernoago, jasangarriago eta inklusiboago baterantz. Eta hori guztia sozialistak erakundeetan egiten ari garen lanaren emaitza da. Benetako konponbideak hurbiletik entzuteak, partekatzeak eta bultzatzeak ematen dio zentzua gure lanari ", adierazi du Asensiok.
Horren guztiaren adibide ona da energia-komunitateei ematen ari zaien bultzada, Gipuzkoan eta Eibarren energia-arloko politika sozialistaren ikurra, non Azitainen Gipuzkoako lehen energia-komunitate industriala martxan jartzea nabarmentzen den, baita gainerako herritarren energia-komunitateak ere, energiaren erabilera eta sarbidea demokratizatuz, autokontsumoa eta energia berriztagarrien erabilera sustatuz.
Eibarko PSE-EEko idazkari nagusi eta udalerriko alkate Jon Iraolak adierazi duenez, gaurko bisitak "argi erakusten du Gipuzkoako sozialistok hurbiltasunean, erakundeen arteko lankidetzan eta entzute aktiboan oinarritutako kudeaketa eredu baten aldeko apustua egiten dugula. Eibar proiektu estrategikoetan murgilduta dago, eta hori lortzeko funtsezkoa da erakunde guztien babesa izatea eta modu koordinatuan lan egitea, gaur erakutsi dugun bezala ". Era berean, adierazi du, "Eibarrek aurrera egiten jarraitzea nahi dugu, eta, horretarako, gure bizilagunen lehentasunak ekintza politikoaren erdigunean egotea behar dugu. PSE-EEko kideekin elkarlanean jarraituko dugu ".
Eibarko proiektu estrategikoen artean, nabarmentzekoak dira: Estaziñotik Azitainera doan trenbidearen gaineko pasealekua, hiri-mugikortasuna lotu eta eraldatuko duen jarduketa; "Hijos de Gabilondoko " tailer zaharra birgaitzea, auzoaren erabateko eraldaketa ekarriko duena; eta Txonta auzoaren berroneratze integrala, auzotarren bizi-kalitatea nabarmen hobetzen ari dena. Gainera, Eibarko Talde Sozialistatik, Eibar irisgarriagoa, berdeagoa eta modernoagoa eraikitzearen aldeko apustua egiten ari da, ekimen jakin batzuekin, hala nola igogailuak, eskailera mekanikoak eta arrapalak jartzea, gure hirian pertsona askoren eguneroko bizitza errazteko, gainera, Armagintzaren Museorako etxe berri bat bilatzeko lanekin jarraitzen dute.
Bisita honekin, PSE-EEk udal politikarekin duen konpromisoa indartzen du, guztientzako ongizatea eta aurrerabidea Gipuzkoa hobe bat eraikitzeko oinarria dela sinetsita.
