Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.
Adi egon! Adi egon!

Maiatza 2024

AL AR AZ OG OR LR IG
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Itxi
PSE GIPUZKOA

PSE-EE PSOE Socialistas Vascos

Berriak

partekatu  partekatu

Covid-19aren pandemiaren udal kudeaketaren ebaluazioaren emaitzak aurkezteko eskatu dio Ordiziako PSE-EEk EH Bilduren gobernuari

Udal Gobernuak konpromisoa hartu zuen 2023ko uda baino lehen 'Pandemia garaiko herri narratiba' proiektuaren ondorioak aurkezteko

1. argazkia

Ordiziako PSE-EEk 'Pandemia garaiko herri narratiba' proiektuaren emaitzak Gobernu Batzordean aurkezteko eskatu dio EH Bilduren Gobernuari. Udalak pandemiaren ondorioak aztertzeko jarri zuen martxan ekimen hori, pandemiaren beraren eta haren kudeaketaren gaineko diagnostikoa egiteko, eta 2023ko uda baino lehen ondorioak izango zituela ziurtatu zuen. 2024ko otsailean gaude eta oraindik ez dira emaitzak aurkeztu.

Udal Talde Sozialistak proposamen bat aurkeztu zuen 2020ko irailean, Covid-19aren pandemiaren inguruan egindako kudeaketari buruzko txosten bat egin eta talde politikoen eta, oro har, herritarren artean zabaltzeko.

2022ko abenduan, sozialistek, oraingoan mozio bidez, kudeaketaren ebaluazioa eskatu zuten. Mozio hori kendu egin zuten Tokiko Gobernuak ebaluazioa egiteko borondatea zuela ziurtatu ondoren.

Ondoren, Udalak " Pandemia garaiko herri narratiba" proiektua jarri zuen abian, pandemiaren ondorioak aztertzeko, bai pandemiaren gaineko diagnostikoa egiteko, bai kudeaketari buruzkoa. Hainbat profiletako eta hainbat esperientziatako 70 pertsonak parte hartu zuten ikerketan. Bilerak 2023ko otsaila eta martxoa bitartean egin ziren, eta Gobernuak iragarri zuen behin betiko emaitzak 2023ko uda iritsi aurretik egongo zirela prest.

Ana Sanchez Ordiziako bozeramaile sozialistak gogorarazi duenez, "nahiz eta Gobernu taldeak, komunikabideren baten bidez, uda baino lehen emaitzak ezagutuko genituela iragarri, gaur egun ez dakigu ezer. Nahiko gai garrantzitsua iruditzen zaigu, Udalak herritarrei denontzako hain zaila zen garai hartan egin zen kudeaketaren berri emateko ".

Horregatik, Ordiziako PSE-EEk Udal Gobernuari eskatzen dio talde politikoei proiektuaren emaitzak Gobernu Batzordean aurkezteko eta lanaren emaitzak jendaurrean antolatu eta zabaltzeko.