partekatu
Lezoko PSE-EEk ordenantza eta Berdintasun Mahaia sortzea eskatu du, indarkeria matxistarik gabeko udalerria izan dadin
Sozialistek neurri batzuk aurkeztu dute, besteak beste, udalerrian zehar ibiltzeko orduan emakumeei segurtasunik eza eragiten dieten puntu ilunak ezabatzeko
Lezoko PSE-EEko Udal Taldeak ordenantza bat egiteko eta Berdintasun Mahai bat sortzeko eskatu dio Gobernu Taldeari, Udaleko III. Berdintasun Planean jasotzen den bezala.
Datorren azaroaren 25ean Emakumeen Aurkako Indarkeria Ezabatzeko Nazioarteko Eguna ospatuko da. Hori dela eta, sozialistek hainbat ekimen aurkeztu dituzte Lezo indarkeria matxistarik gabeko udalerri bihur dadin bermatzeko baliabideak eta tresnak garatzeko.
PSE-EEren ustez, neurri horiek ezartzeko beharra agerian geratu da, adibidez, herriko jaietan eta joan den urrian izandako eraso matxistekin.
Lezoko PSE-EEk aurkeztutako ekimenen artean, udal mailan emakumeen eta gizonen berdintasunaren erregimen juridikoa ezarri eta hobetzeko tresna bihurtuko den ordenantza bat egitea dago, genero ikuspegia udal jarduera osoan integratzeko.
Udal Talde Sozialistak, gainera, udalerriko Berdintasun Mahaia sortzeko eskatu du. Ekimen hau Berdintasun Planean eta Lezoko sozialisten hauteskunde programan jasotzen da.
Joxean Sanchez PSE-EEko bozeramaileak adierazi duenez, "mahai hau Udalaren kontsultarako gune bat izango litzateke, emakumeek parte har dezaten, informazio interesgarria eskainiz. Proposatutako programak eztabaidatu eta hainbat jarduera antolatuko lirateke. Emakume independenteek zein udalerriko elkarte edo talderen batean daudenek osatuko lukete ".
Sanchezen ustez, "berdintasunaren aldeko konpromiso politikoa eta teknikoa areagotzeko unea da, eta, beraz, 2024ko udal-aurrekontuak egiterakoan, berdintasunerako partida handitu beharko litzateke, bai herritarrak sentsibilizatzeko jarduerak eta kanpainak egiteko, bai berdintasun-teknikariaK % 100eko dedikazioa izateko (gaur egun % 50ekoa da), Berdintasun Planean jasotako ekintza-plana gauzatu ahal izateko".
"Gainera, udalerrian identifikatutako puntu ilunak ezabatzera bideratutako inbertsioen aurrekontua egin beharko litzateke, gure udalerritik igarotzean emakumeei segurtasunik ezaren sentsazioa eragiten baitiete", ondorioztatu du zinegotzi sozialistak.
- Ibarrako Udalari eskatzen zaio, udalerriko azpiegitura berdeari buruzko azterlan bat egitea eta udalerriko gune grisenetan birnaturalizazioa sustatzea.
- Ibarrako Udalari eskatzen zaio, tenperatura optimoa bermatuko duten eta bero-boladen garaian aterpe klimatiko gisa erabil daitezkeen kanpoko zein barruko espazioak kokatzea.
- Ibarrako Udalari eskatzen zaio, hirien berdatzea sustatzeko, zuhaitzik edo eguzki-babesik ez dagoen lekuetan eta eremu gris gehiegi dauden lekuetan, gure hiriak klima-aldaketara eta gure herritarren osasuna babestera egokitzeko neurri gisa.
- Ibarrako Udalari eskatzen zaio eskola-jolastokien eraldaketa balioesteko, leku inklusiboagoak, jasangarriagoak eta naturalizatuago bihurtzeko.
