partekatu
Beasaingo PSE-EEk Olarango eraikinerako erabilera sozial eta kulturala eskatzen du, 2009tik erabiltzen ez dena
Udal Talde Sozialista Gobernu Taldeak aldi baterako etxebizitzak eraikitzeko eta enpresen eskura jartzeko aurkeztutako proiektuaren aurka dago
Beasaingo PSE-EEk berriro defendatu du Olaran eraikina birgaitu egin behar dela eta udalerriko bizilagunen zerbitzura egongo den gune bihurtu behar dela. Pabiloiaren zati bat oraindik ez da erabiltzen Udalak erosi zuenetik, 2009an.
"Guk beti egin dugu erabilera soziala ematearen eta beasaindarrentzako topagune bat sortzearen aldeko apustua. Horrela islatu dugu gure hauteskunde programetan ", adierazi du Eva Alvarez bozeramaile sozialistak.
Horren adibide da sozialistek egindako proposamen historikoa, Musika Eskolari espazio propioa emateko eta eraikin horretan ikasgelak eta auditoriumak jartzeko.
Beasaingo elkarte-bizitza oso beharrezkoa da eta elkarteei zuzendutako espazioa "batzuetan eskasa da". Horegatik, PSE-EEren ustez, "Beasainek bere elkarte-bizitza indartu behar du, eta eraikin hau aukera paregabea da hori egiteko eta elkarteei eta bizilagunei espazio publiko handiagoa eskaintzeko, tailerrak, bilerak edo ikastaroak egin ahal izan ditzaten".
Arrazoi horiengatik, Udal Talde Sozialista enpresa-zerbitzurako aldi baterako etxebizitzak eraikitzea planteatzen duen gobernu-taldearen proiektuaren aurka azaldu da. "Ez gaude Beasainen ´Talent House` bezalako espazio bat ezartzearen aurka, egoerak hala eskatuko balu, baina ez gatoz bat Olaranen kokatzearekin".
PSE-EEk gogorarazi du, gainera, Beasaingo eta Ezkiaga auzoko historia industriala gogoratzeko kultur gune bat sartzeko proposamena sozialistengandik datorrela, eta bere helburua auzoaren nortasuna babestea dela, kapera eta CAFeko atezainaren eraikina galdu ondoren.
