partekatu
Andoaingo PSE-EEk kiroldegiko abonatu guztiak konpentsatzeko eskatu dio EH Bilduri, igerilekuak aldi baterako ixteagatik
Otsaileko Osoko Bilkuran Udal Talde Sozialistak EH Bilduk hartutako neurria zuzentzeko eskatu zuen, hau da, eskatzen duten pertsonei bakarrik konpentsatzea eta abonatu guztiei zabaltzea
Joan den otsailaren 26an egin zen osoko bilkuran, Andoaingo Udal Talde Sozialistak eskatu zuen ofizioz itzul zedila 2024ko abonuaren zati proportzionala ( % 1,92), eta proportzionalki doitu 2025eko abonuaren kobrantza kiroldegiko abonatu guztiei ( % 5,21), eta horrela zuzendu dadila EH Bilduk iragarritako neurria, igerilekuak aldi baterako ixteagatik konpentsatzeko aldez aurretik eskatzen dutenei bakarrik.
"Ildo horretan, uste dugu EH Bilduk dirua itzultzeko ezarri duen prozedura ez dela ez arina, ez erosoa kiroldegiko erabiltzaileentzat; izan ere, horrek esan nahi du pertsona bakoitzak inprimaki bat bete eta udal instalazioetan aurkeztu behar duela, ordutegi jakin batean, eta, otsailaren 26tik martxoaren 12ra bitarteko denbora-tarte batean mugatutan", adierazi dute zinegotzi sozialistek.
"Igerilekuak aldi baterako ixteak bazkide guztiei eragin die, eta ezin da erabili dagokion abonua ordainduta erabiltzeko eta gozatzeko eskubidea duen zerbitzu bat, hura erabiltzen duten ala ez kontuan hartu gabe. Hori dela eta, EH Bilduri eskatzen diogu konpentsazio ekonomikoa itzultzeko oztoporik ez jartzeko, hartu duten erabaki politikoa zuzentzeko, eta ofizioz itzultzeko abonuaren zati proportzionala kiroldegiko abonatu guztiei, gehiegitan pairatzen baitituzte kirol-instalazioen egoera txarraren ondorioak "amaitu dute sozialistek.
