partekatu
Aritz Alkainek Maider Lainez ordezkatuko du Andoaingo PSE-EEko bozeramaile gisa
"Ohore bat da Udal Talde Sozialistaren bozeramaile berria izatea. Lanean jarraituko dut, arduraz, ahaleginez eta konpromisoz, Andoain udalerri hobea izan dadin, herritar guztientzat"
Aritz Alkain da, gaurtik aurrera, Andoaingo Udaleko bozeramaile sozialista berria, Maider Lainez 2019tik 2023ra bitartean udalerriko alkate izan dena ordezkatuz. Bozeramaile-aldaketa astearte honetan bertan gauzatu da.
Alkain Andoaingo PSE-EEko laugarren postuan aurkeztu zen udal hauteskundeetan eta gaur egun Gipuzkoako PSE-EEko Batzorde Betearazleko kidea da. Andoainen jaio zen, eta azken bi urteetan oso modu aktiboan parte hartu du udal-politikan, Udal Talde Sozialistak defendatzen dituen balio aurrerakoiak eta udalerri-eredua defendatuz.
"Ohore handia da sozialisten bozeramailetza hartzea. Nigan jarritako konfiantza eskertzen dut eta etapa berri honi erantzukizunez, ilusioz, ahaleginez eta konpromisoz aurre egiten diot. Nire helburua hasitako lanarekin jarraitzea da, herritarrei entzunez eta Andoain udalerri inklusiboagoa, jasangarriagoa eta guztiontzat hobea egiten lagunduko duten ekimenak sustatuz, orain arte bezala Andoainen eta andoaindarren interesak defendatuz ", adierazi du Alkainek.
Aritz Alkainek Maider Lainezek urte hauetan guztietan egindako lana eskertu du eta ildo horretan lanean jarraitzeko konpromisoa hartu du, entzute aktiboan, elkarrizketan eta aurrerapen sozialean oinarrituta, inor atzean utzi gabe.
Bost zinegotzi dituen Talde Sozialistaren bozeramaile berria Eraikuntza Proiektuen Garapen eta Aplikazioko eta Mekanizazio bidezko Produkzioko goi-mailako teknikaria da. Mugikortasunaren sektorean egin du lan, aurre-salmenta teknikari eta marketin-koordinatzaile gisa. 2023ko ekainetik Udal Talde Sozialistaren zinegotzia da.
Andoain, 2025eko uztailaren 8a
