partekatu
Beasaingo PSE-EEk defendatu du Talde Sozialistak energia hobetzeko onartutako laguntzak "inoiz baino beharrezkoagoak" direla
2025eko iraila eta azaroa bitartean sei dirulaguntza eman ziren, 5.500 eurokoak
Beasaingo PSE-EEk udalerriko eraikin eta etxebizitzen hobekuntza energetikorako Udal Talde Sozialistak bultzatutako laguntza lerroari balioa eman dio.
Dirulaguntza horiek otsailean argitaratu dira berriro, eta honako helburu hauek dituzte: eraginkortasun energetikoa sustatzea, ingurumena babesten laguntzea eta udalerriko bizilagunen ongizatea hobetzea.
Sozialisten ustez, gainera, laguntza horiek une "erabakigarrian" iristen dira, eta garrantzi berezia hartzen dute energia-kostuen igoerak eta nazioarteko ziurgabetasunak markatutako une honetan, faktore horiek zuzenean eragiten baitiote familia askoren ekonomiari.
Eva Alvarez bozeramaile sozialistak azaldu duenez, "oso jakitun gara udalerriko familia asko energia-gastuei aurre egiteko izaten ari diren zailtasunez, prezioen igoerak eta nazioarteko ezegonkortasunak areagotutako egoera baita". ildo horretan, "une zailetan energia-kostuak arintzea funtsezkoa" dela adierazi du.
Joan den urtean, iraila eta azaroa bitartean, guztira sei dirulaguntza eman ziren, 5.447 eurokoak, eta kopuru horrek ekimen horren eragin positiboa islatzen du.
