partekatu
Azkoitiko PSE-EEk asfaltatze plan integrala eskatu du udalerriko bide guztien mantze egokia bermatuko duena
Udal Talde Sozialistak deitoratu du arazoak eta kalteak jakinarazteko aplikazioa martxan jarri gabe jarraitzea, horretarako aurrekontu-partida onartuta egon arren
Azkoitiko PSE-EE kezkatuta agertu da herriko kale eta auzoetako asfaltatzearen egoeragatik. Horregatik udalerriko bide guztien mantentze egokia bermatuko duen plan integral bat martxan jartzeko eskatu du.
Janire Igoa bozeramaile sozialistak positibotzat jo ditu azken egunetan Ibai Ondo eta Martin Deuna kaleetan egindako jarduketak, baina ohartarazi du udalerriko beste gune batzuek antzeko arazoak dituztela eta premiazko esku-hartzea behar dela.
"Garrantzitsua da behar bat dagoen lekuan jardutea, eta ezin ditugu ahaztu antzeko egoeran dauden udalerriko beste eremu batzuk. Auzo guztietako bizilagunek arreta eta mantentze bera merezi dute, bizi diren eremua edozein dela ere ", azaldu du Igoak.
Hori dela eta, Udal Talde Sozialistak berriro eskatu du udal-aplikazioa abian jartzeko, herritarrek gorabeheren berri eman ahal izan dezaten. Ekimen horrek 2025eko aurrekontuetan onartutako partida bat du, baina oraindik ez da garatu.
"Zaila da ulertzea duela hilabete batzuk onartutako eta hain erabilgarria den partida bat oraindik gauzatu gabe egotea. Oso tresna erabilgarria da, argazkien bidez gertakariei buruzko informazioa azkar eta hurbiletik komunikatzeko aukera emango lukeena ", azaldu du Igoak.
PSE-EErentzat, aplikazio hori lagungarria izango litzateke arazoak lehenago detektatzeko eta mantentze-jardunak hobeto planifikatzeko.
Horregatik, sozialistek udal gobernuari eskatu diote ahalik eta azkarren bultza dezala iazko aurrekontuetan onartutako azaroak eta kalteak jakinarazteko aplikazioa.
"Oso garrantzitsua da behar duten kaleetan jardutea, baina baita arazoak detektatzen eta irtenbide gardenak ematen lagunduko duten tresnak izatea ere", amaitu du Igoak.
